私隱政策
生效日期:2026 年 11 月 18 日
本政策適用於「日日賺 DDEarn」手機 App(iPhone 及 Android)同網站 ddearn.com。
簡單講
日日賺唔使登記帳戶,唔會叫你提供姓名、電話、電郵或者信用卡資料,亦冇放廣告追蹤或者分析工具。
App 喺你部機儲存嘅資料
你喺 App 揀嘅類別次序、隱藏咗邊啲類別、揀咗用邊張卡、「用緊」標記、喺「計數」輸入嘅每月使費,同埋提醒設定,只會儲存喺你部手機入面,唔會上載。刪除 App 就會一併刪除。
網絡連線
App 會連去 ddearn.com 下載最新優惠資料。呢個下載唔包含你喺 App 入面嘅任何設定或者使費。網站由 Cloudflare 託管,佢哋處理網絡請求時會按其私隱政策處理 IP 地址等技術資料,作保安及運作用途。
通知
每日提醒係你部手機本身排程嘅本地通知,要你喺 App 開啟先會出現(「今日」頁 → 編輯 → 每日提醒),隨時可以喺 App 或手機設定關閉。我哋唔會用推送伺服器。
外部連結
「去官網申請」等按鈕會打開銀行或商戶網站。嗰啲網站點樣處理你嘅資料,以佢哋嘅私隱政策為準。
兒童
日日賺講嘅係信用卡優惠,對象係 18 歲或以上人士。
政策更新
如果日後加入新功能而需要改變處理資料嘅方式,會先更新本頁同生效日期。
聯絡
有關私隱嘅查詢:hello@ddearn.com